O‘zbekiston–Tojikiston qishloq xo‘jaligida hamkorlikni kengaytirmoqda
2026-02-03 15:15:00 / Rahbariyatning bayonotlari va nutqlari
Unda Qishloq xo‘jaligida bilim va innovatsiyalar markazi – AKIS rahbari Shodmon Namozov, Urug‘chilik markazi rahbari Shuxrat Otajonov, Sholichilik ilmiy-tadqiqot instituti rahbari Abdulla Mansurov, Paxtachilik ilmiy-tadqiqot instituti rahbari Murod Raxmankulov, shuningdek Veterinariya va chorvachilikni rivojlantirish qo‘mitasining mas’ul xodimlari ishtirok etdi.
Muzokaralar davomida ikki mamlakat o‘rtasida qishloq xo‘jaligi sohasidagi hamkorlikning dolzarb masalalari muhokama qilindi. Shuningdek, paxta, g‘alla va sholi urug‘chiligi sohasida o‘zaro hamkorlikni yo‘lga qo‘yish masalalariga alohida e’tibor qaratildi.
Xususan, Tojikiston hududiga o‘zbek seleksiyasiga mansub paxta, g‘alla va sholi urug‘larini yetkazib berish hamda ularni mahalliy sharoitda yetishtirish imkoniyatlari ko‘rib chiqildi.
Shuningdek, AKIS tomonidan tojik mutaxassislari uchun seminar va treninglar tashkil etish, ularning bilim va malakasini oshirish bo‘yicha kelishuvga erishildi.
Tomonlar Tojikiston hududida “Do‘stlik bog‘lari”ni barpo etish loyihasining joriy holatini ham muhokama qilib, uni amalga oshirish istiqbollarini belgilab oldilar.
Muloqot yakunlariga ko‘ra, tomonlar qishloq xo‘jaligining boshqa istiqbolli yo‘nalishlarida ham hamkorlikni yanada rivojlantirishga o‘zaro tayyor ekanliklarini bildirildi.