Koreya universiteti bilan agrar ta’limda yangi hamkorlik bosqichi
2026-02-03 21:05:00 / Yangiliklar
Mazkur tashrif qishloq xoʻjaligi sohasida kadrlar tayyorlash, ularning malakasini oshirish hamda xalqaro ta’lim hamkorligini kengaytirishga qaratildi.
Uchrashuv davomida tomonlar ta’lim jarayoniga ilg‘or xalqaro tajribalarni joriy etish, o‘quv dasturlarini zamonaviy yondashuvlar asosida boyitish masalalarini muhokama qildilar. Muzokaralar yakunida hamkorlikning uchta ustuvor yo‘nalishi bo‘yicha kelishuvga erishildi.
Xususan:
• Wonkwang Universitetining yetakchi professor-o‘qituvchilari tomonidan institut tinglovchilari uchun masofaviy ta’lim mashg‘ulotlari, shuningdek, institut bazasida an’anaviy darslar va seminarlar o‘tkazilishi;
• institut xodimlarining Wonkwang Universitetida malaka oshirishi va tajriba almashishi;
• O‘zbekistonda qishloq xo‘jaligi kadrlarining malakasini oshirish bo‘yicha qo‘shma ta’lim dasturlarini amalga oshirish.
Uchrashuv yakunida tomonlar o‘zaro hamkorlikni yanada mustahkamlash maqsadida Hamkorlik to‘g‘risidagi Memorandumni imzoladilar.