Suv tejash va samaradorlik: JICA ko‘ngillilari bilan ochiq muloqot
2026-01-28 15:50:00 / Rahbariyatning bayonotlari va nutqlari
Uchrashuvda O‘zbekiston agrar sohasida amalga oshirilayotgan keng ko‘lamli islohotlar, ularning amaliy natijalari, shuningdek, keyingi yillarda iqlim o‘zgarishi bilan bog‘liq salbiy oqibatlarni yumshatish maqsadida suv resurslaridan samarali foydalanish va suv tejovchi texnologiyalarni joriy etishning dolzarbligiga alohida e’tibor qaratildi.
Ayni paytda Qoraqalpog‘iston Respublikasida faoliyat olib borayotgan JICA ko‘ngillilari hududning geografik joylashuvi va iqlim sharoitlaridan kelib chiqqan holda paxta yetishtirish jarayoni, fermerlarning suvga bo‘lgan munosabati hamda suv resurslaridan oqilona foydalanish borasida amalga oshirilayotgan ishlar haqida batafsil ma’lumot berishdi. Ular, shuningdek, sohada suv tejovchi texnologiyalarni joriy etish bo‘yicha olib borilayotgan amaliy tajribalari bilan o‘rtoqlashdilar.
Muloqot yakunida suvdan samarali foydalanishga doir uslubiy qo‘llanmalar tayyorlash, suv tejovchi texnologiyalarning turlari va afzalliklari haqida dehqon va fermerlar uchun joylarda seminar-treninglar tashkil etish masalalari yuzasidan fikr almashildi.
Uchrashuv tomonlar o‘rtasida qishloq xo‘jaligi sohasida hamkorlikni yanada mustahkamlash, ilg‘or tajriba va innovatsion yondashuvlarni amaliyotga joriy etishga xizmat qilishi ta’kidlandi.