O‘zbekiston–Belarus agrar hamkorligi yangi bosqichga ko‘tarilmoqda
2026-01-27 17:45:00 / Rahbariyatning bayonotlari va nutqlari
Muloqot davomida agrar sohada O‘zbekiston–Belarus hamkorligining bugungi holati, shuningdek, uni yanada rivojlantirishga qaratilgan yangi istiqbolli yo‘nalishlar va qo‘shma loyihalarni amalga oshirish masalalari muhokama qilindi.
Tomonlar Belarus Respublikasida chorvachilik, go‘sht va sutni qayta ishlash sohalari yuqori darajada rivojlanganini alohida ta’kidlab, ushbu tajribani mamlakatimizda joriy etish borasida dastlabki qadamlar tashlanganini alohida e’tirof etishdi.
O‘z o‘rnida mamlakatimizga naslli qoramollarni olib kelish, go‘sht va sut mahsulotlarini qayta ishlash bo‘yicha yangi qo‘shma loyihalarni ham yo‘lga qo‘yish yuzasidan takliflar bildirildi.
Shuningdek, agrar sohada ilm-fanni rivojlantirish, yangi yuqori hosildor ekin navlarini yaratish, seleksiya va urug‘chilik yo‘nalishlarida qo‘shma ilmiy tadqiqotlar olib borish masalalari ham uchrashuv kun tartibidan o‘rin oldi.
Vazir o‘z navbatida, so‘nggi yillarda mamlakatimizda organik qishloq xo‘jaligi mahsulotlari yetishtirishga alohida e’tibor qaratilayotganini ta’kidlar ekan, ushbu mahsulotlarni qayta ishlash orqali yurtimizda bolalar ozuqasini ishlab chiqarish bo‘yicha qo‘shma loyihani amalga oshirish taklifini bildirdi.
Uchrashuv O‘zbekiston va Belarus o‘rtasida agrar sohada o‘zaro manfaatli hamkorlikni yanada chuqurlashtirishga xizmat qilishi ta’kidlandi.