O‘zbekiston Respublikasi Qishloq хo‘jаligi vаzirligi

Unda O‘simliklar genetik resurslari ilmiy-tadqiqot instituti, Sholichilik ilmiy-tadqiqot instituti hamda Sabzavot, poliz ekinlari va kartoshkachilik ilmiy-tadqiqot instituti rahbar va mas’ullari tomonidan taqdimotlar o‘tkazildi. Taqdimotlarda ilmiy muassasalar tomonidan xorijiy davlatlar bilan hamkorlikda amalga oshirilgan loyihalar, erishilgan natijalar hamda istiqboldagi rejalar atroflicha yoritildi.

Xususan, seleksiya, urug‘chilik, genetik resurslarni saqlash va ulardan samarali foydalanish yo‘nalishlarida olib borilayotgan xalqaro loyihalarning ahamiyati alohida ta’kidlandi. Hamkor davlatlar bilan tajriba almashinuvi, zamonaviy texnologiyalarni joriy etish, ilmiy ishlanmalarni amaliyotga tatbiq qilish borasida erishilgan yutuqlar muhokama qilindi.

Yig‘ilish davomida mavjud muammolar ham ko‘rib chiqildi. Xususan, ayrim loyihalarni amalga oshirishda uchrayotgan tashkiliy va texnik masalalar, moliyalashtirish hamda kadrlar bilan bog‘liq jihatlar chuqur tahlil qilindi. Ushbu muammolarni bartaraf etish bo‘yicha aniq taklif va tavsiyalar bildirildi.

Hamkorlik aloqalarida urug‘chilik yo‘nalishidagi loyihalar ustuvor ahamiyat kasb etishi qayd etilib, bu borada ilmiy asoslangan, raqobatbardosh va eksportbop navlarni yaratish muhimligi ta’kidlandi. Ayniqsa, kartoshkachilik, moyli va tolali ekinlar bo‘yicha xorijiy hamkorlar bilan olib borilayotgan ishlarning bugungi holati, istiqbollari va kutilayotgan natijalari atroflicha muhokama qilindi.

Shuningdek, yig‘ilishda 2026-yilga mo‘ljallangan rejalar ham bayon etildi. Kelgusi yilda xalqaro hamkorlikni yanada kengaytirish, yangi ilmiy loyihalarni yo‘lga qo‘yish, ilg‘or tajribalarni mahalliy sharoitga moslashtirish orqali qishloq xo‘jaligi samaradorligini oshirish asosiy vazifalar sifatida belgilandi.

Yig‘ilish yakunida Qahramon Yuldashev ilmiy-tadqiqot institutlari faoliyatini amaliy natijalarga yo‘naltirish, ishlab chiqarish ko‘rsatkichlarini oshirish zarurligini ta’kidlab, mas’ullarga aniq topshiriqlar berdi.