"Agroportal" da xususiy sektor vakillarining xizmati joriy etildi
2025-12-24 20:15:00 / Yangiliklar
Endilikda qishloq xo‘jaligi mahsulotlarini yetishtiruvchilar biolaboratoriya mahsulotlarini yetkazib berish yuzasidan shartnoma tuzish, to‘lovlarni onlayn tarzda amalga oshirish hamda biomahsulotlarni bevosita dalaga tarqatish bo‘yicha kompleks xizmatlardan foydalanish imkoniga ega bo‘lishdi.
Bu esa jarayonlarning soddalashuvi, vaqt va resurslarning tejalishiga xizmat qilishi bilan birga, biologik himoya choralarini ommalashtirishga ham zamin yaratmoqda.
Shu bilan birga, "Agroportal"da o‘simliklarni biologik himoya qilishga doir muhim tahliliy va tavsiyaviy ma’lumotlarni taqdim etish xizmati ham ishlab chiqilmoqda. U orqali zararli hasharotlarning o‘rtacha harorat sharoitida rivojlanish fazalari aniqlab berish, ularga qarshi kurashishning eng maqbul va o‘z vaqtida choralarini ko‘rish imkoniyati yaratiladi.
Mazkur raqamli yechimlar nafaqat hosildorlikni oshirish, balki atrof-muhitga zarar yetkazmagan holda barqaror qishloq xo‘jaligini rivojlantirish yo‘lidagi muhim qadamlardan biri sifatida e’tirof etilmoqda.
"Agroportal" foydalanuvchilarini qo‘llab-quvvatlash:
Telegram: t.me/govagrouz
Telefon: 71 206 70 07