O‘zbekiston Respublikasi Qishloq хo‘jаligi vаzirligi

Bozor rastalaridagi mo‘l-ko‘lchilik, mahsulotlarning rang-barangligi va narxlarning barqarorligi so‘nggi yillarda qishloq xo‘jaligida olib borilayotgan chuqur va tizimli islohotlarning amaliy samarasi ekanini yaqqol namoyon etdi. Daladan bozorgacha bo‘lgan uzluksiz va barqaror zanjir bugun o‘z samarasini bermoqda — ichki bozor ishonchli ta’minlanmoqda.

O‘rganish jarayonida vazir bayram kunlari mahsulotlar ta’minotida uzilishlarga yo‘l qo‘ymaslik, talab yuqori bo‘ladigan oziq-ovqat mahsulotlari bo‘yicha yetarli zaxiralarni oldindan shakllantirish masalasiga alohida urg‘u berdi. Bu borada mas’ullarga aniq topshiriqlar berildi. Chunki har bir bayram dasturxonidagi farovonlik ortida puxta reja, oldindan ko‘rilgan chora-tadbirlar va fidokorona mehnat mujassam.

Fermer va dehqon xo‘jaliklarini qo‘llab-quvvatlash, ishlab chiqarish hajmlarining izchil oshib borayotgani, zaxiralarni oldindan shakllantirish amaliyoti bugun bozorlardagi barqarorlik va to‘kinlikda o‘z aksini topmoqda. Bu esa davlatning oziq-ovqat xavfsizligini ta’minlashga qaratilgan siyosati to‘liq namoyon bo‘layotganidan dalolatdir.

Yangi yil bayrami arafasida tashkil etilayotgan bunday arzonlashtirilgan savdo yarmarkalari nafaqat narxlar barqarorligini saqlash, balki aholi kayfiyatini ko‘tarish, xonadonlar dasturxoniga fayz va baraka olib kirishga xizmat qilmoqda.