Qishloq xo‘jaligida xalqaro ilmiy hamkorlik yangi imkoniyatlar ochmoqda
2025-12-22 17:45:00 / Rahbariyatning bayonotlari va nutqlari
Uchrashuv davomida tomonlar qishloq xo‘jaligi sohasida ilmiy-tadqiqot ishlarini rivojlantirish, zamonaviy ilm-fan yutuqlarini amaliyotga tatbiq etish hamda xalqaro hamkorlikni yanada mustahkamlash masalalarini muhokama qildilar. Ayniqsa, agrar sohada genomika, biotexnologiya va innovatsion tadqiqotlar yo‘nalishida qo‘shma ilmiy loyihalarni amalga oshirish istiqbollari alohida e’tibor markazida bo‘ldi.
Shuningdek, uchrashuvda ilmiy kadrlar tayyorlash, yosh olimlar va tadqiqotchilar uchun tajriba almashish dasturlarini yo‘lga qo‘yish, qo‘shma laboratoriyalar tashkil etish hamda ilmiy ishlanmalarni qishloq xo‘jaligi ishlab chiqarishiga joriy etish masalalari muhokama qilindi.
Tomonlar bu kabi hamkorliklar sohadagi samaradorlikni oshirish, mahsulot sifatini yaxshilash va oziq-ovqat xavfsizligini ta’minlashda muhim ahamiyat kasb etishini ta’kidladilar.
Uchrashuv yakunida ikki davlat o‘rtasidagi ilmiy hamkorlikni tizimli ravishda davom ettirish, o‘zaro tajriba va bilim almashishni yanada faollashtirish bo‘yicha kelishuvlarga erishildi. Bu esa qishloq xo‘jaligi sohasini modernizatsiya qilish, ilmiy salohiyatni oshirish va innovatsion yechimlarni joriy etishda muhim qadam hisoblanadi.