Qishloq xo’jaligi ekinlari navlarini sinashda Germaniya tajribasi oʼrganilmoqda
2025-11-06 16:30:00 / Yangiliklar
Xorijiy tajribani o'rganish maqsadida, Qishloq xoʼjaligi vazirligi tizimidagi Qishloq xoʼjaligi ekinlari navlarini sinash markazi xodimlaridan iborat Ishchi guruh Germaniya davlatida xizmat safarida boʼlib turibdi.
Ishchi guruh aʼzolari, Germaniyaning Gonnover pastki saksoniyasida joylashgan KWS urugʼchilik kompaniyasi hamda Yulius Kyun (JKI) nomidagi Federal ilmiy oʼsimliklarni oʼrganish instituti tajribasi bilan tanishdilar.
Hozirgi kunda, KWS urugʼchilik kompaniyasini 70 ta davlat bilan hamkorlik aloqalari o'rnatilgan bo‘lib, 5 mingdan ortiq ilmiy yoʼnalishdagi xodimlar faoliyat yuritadi. Shuningdek, 5 ta laboratoriya, issiqxona, urugʼliklarni qayta ishlash korxonasi mavjud bo'lib, kompaniya 10 dan ortiq ilmiy-tadqiqot institutlar bilan integratsiyani yoʼlga qoʼygan.
Yulius Kyun (JKI) nomidagi Federal ilmiy oʼsimliklarni oʼrganish institutida 600 ga ilmiy-tajriba maydoni, 10 ta laboratoriya va issiqxona mavjud boʼlib, 1300 nafar xodim faoliyat yuritadi. Bundan tashqari, Germaniya davlati boʼyicha 18 ta ilmiy-tadqiqot yoʼnalishdagi institutlar bilan hamkorlik o'rnatilgan.
KWS urugʼchilik kompaniyasi hamda Yulius Kyun (JKI) nomidagi Federal ilmiy oʼsimliklarni oʼrganish institutlarida boshoqli don, dukkakli, ozuqa, meva-sabzavot, kartoshka va boshqa ekinlar boʼyicha ilmiy-tajriba ishlari amalga oshiriladi, bunda, ekinlarning qimmatli-xo'jalik ko'rsatkichlari, sinovlari hamda laboratoriya tahlillari o'rganilib, belgilangan tartibda ekinlarni roʼyxatga olinishi yoʼlga qoʼyilgan.
Kelgusida, Ishchi guruh tomonidan oʼrganilgan Germaniya tajribasi Respublikamizda sohani rivojlantirishda tatbiq etiladi.