audio

    O‘zbekiston Respublikasi va Rossiya Federatsiyasi hukumat rahbarlari darajasidagi Qo‘shma komissiyaning 4-majlisi

    Joriy yilning 18-sentabr kuni Moskva shahrida O‘zbekiston Respublikasi va Rossiya Federatsiyasi hukumat rahbarlari darajasidagi Qo‘shma komissiyaning 4-majlisi bo‘lib o‘tdi.

    Qayd etilganidek, bugungi kunda O‘zbekiston-Rossiya har tomonlama strategik sheriklik va ittifoqchilik munosabatlari tubdan yangi bosqichga ko‘tarildi.

    Keyingi yillarda davlatlararo hamkorlik faollashdi, barcha sohalarda ko‘p qirrali samarali hamkorlikning jadal o‘sishi kuzatilmoqda.

    Bu shubhasiz, mamlakatlarimiz rahbarlari tomonidan belgilab berilgan strategik yo‘nalish tufayli amalga oshmoqda.

    Ikki davlat rahbarlari tomonidan hukumatlar zimmasiga o‘zaro hamkorlikni yanada rivojlantirish va erishilgan kelishuvlar ijrosini izchil taʼminlash bo‘yicha aniq vazifalar belgilab berilgan.

    So‘nggi besh yilda o‘zaro tovar ayirboshlash o‘smoqda. O‘tgan yil oxirida bu ko‘rsatkich 9,3 milliard dollarga yetgan.

    Kon-metallurgiya, yoqilg‘i-energetika, qishloq xo‘jaligi va boshqa tarmoqlarda sanoat kooperatsiyasi loyihalari faol amalga oshirilayotgani qayd etildi.

    Shuningdek, savdo-iqtisodiy hamkorlikni yanada kengaytirish, sarmoyaviy va faol madaniy-gumanitar almashinuvni davom ettirish masalalari muhokama qilindi.

    Qo‘shma Hukumatlararo komissiyaning yig‘ilishi yakunida qator ikki tomonlama hujjatlar imzolandi.

    • view_icon 807