Energetika vazirligi mikro va kichik gidroelektr stansiyalarni qurish boʻyicha tashabbuskorlar talabini oʻrganish natijalariga asosan, quyidagilarni eʼlon qiladi:
2025-02-28 16:30:00 / Yangiliklar
Aholi va tadbirkorlik subyektlarining qayta tiklanuvchi energiya manbalaridan keng foydalanishini davlat tomonidan qo‘llab-quvvatlash mexanizmlarini joriy etish, ushbu manbalar orqali elektr energiyasi bilan ta’minlash hamda aholi va tadbirkorlik subyektlari energiya resurslaridan samarali foydalanishni rag‘batlantirish maqsadida:
Quvvati 5 MVtgacha bo‘lgan gidroelektr stansiyalarni qurish bo‘yicha loyiha tashabbuskorlari (keyingi o‘rinlarda — loyiha tashabbuskorlari) Energetika vazirligi buyurtmasi asosida “E-AUKSION” elektron savdo maydonchasida o‘tkaziladigan ishlab chiqarilgan elektr energiyasini sotib olish tarifini pasaytirib borish yuzasidan elektron auksion natijalari asosida aniqlanadi.
Bunda, boshlang‘ich narx II guruh iste’molchilari uchun belgilangan tarifga nisbatan:
quvvati 500 kVtgacha bo‘lgan gidroelektr stansiyalarga 150 foiz miqdorida;
quvvati 500 kVtdan 2 MVtgacha bo‘lgan gidroelektr stansiyalarga 120 foiz miqdorida;
quvvati 2 MVtdan 5 MVtgacha bo‘lgan gidroelektr stansiyalarga 100 foiz miqdorida belgilanadi;
Shuningdek, auksion g‘olibi bo‘lgan tadbirkorlik subyektlariga uzoq muddatli ijara huquqi asosida taqdim etiladi. Bunda, yer uchastkasi uchun ijara to‘lovi miqdori qonunchilikda yer solig‘i to‘lovchilari uchun belgilangan soliq stavkalari, soliq imtiyozlari, soliqni hisoblab chiqarish va soliqni to‘lash tartibini inobatga olgan holda aniqlanadi.