YTTB va YI O‘zbekistondagi “Voltalia” quyosh elektr stansiyasi loyihasiga 54,5 mln dollardan ortiq mablag‘ ajratdi
2024-11-08 16:00:00 / Yangiliklar
YTTB va YIning Yevropa barqaror taraqqiyot jamg‘armasi Fransiyaning “Voltalia” kompaniyasi tomonidan Xorazm viloyatida 100 MVt quvvatga ega quyosh fotoelektr stansiyasini qurish uchun asos solingan “Sarimay Solar” kompaniyasiga 54,6 mln dollargacha mablag‘ ajratdi.
YTTBning 54,6 million dollargacha bo‘lgan moliyalashtirish paketi 44,8 million dollargacha kredit, shuningdek, qurilish bosqichida “Sarimay Solar” kompaniyasini qo‘llab-quvvatlaydigan 9 million yevrolik maxsus moliyalashtirish dasturidan iborat bo‘ladi.
Loyiha YIning Yevropa barqaror taraqqiyot jamg‘armasi tomonidan ajratilgan 7 million dollarlik kreditning birinchi transhini qoplash kafolatini oladi. YI mablag‘lari YTTB faoliyat yuritayotgan YIdan tashqaridagi mamlakatlarda iqlim o‘zgarishini yumshatish texnologiyalarini joriy qilishni tezlashtirishga mo‘ljallangan.
Moliyalashtirish “Sarimay Solar” kompaniyasiga 100 MVt quvvatga ega yangi quyosh fotoelektr stansiyasini qurish va foydalanishga topshirishga yordam beradi, bu O‘zbekistonning 2030-yilgacha 25 GVtgacha quyosh va shamol energiyasini ishlab chiqarish maqsadiga hissa qo‘shadi.
Bu “Voltalia” kompaniyasining O‘zbekistonda tanlov asosida g‘olib bo‘lgan qayta tiklanuvchi energiya manbalari bo‘yicha birinchi loyihasi hisoblanadi. Stansiya ishga tushirilgach, yiliga 220 mln kVt⋅soatgacha elektr energiyasi ishlab chiqarishi va uglerod gazining yillik chiqindilarini 92,4 ming tonnadan ortiq kamaytirishi kutilmoqda.