Халқаро астронавтика федерацияси ёшлар учун грант дастурини эълон қилди!
2024-12-27 00:00:00 / Янгиликлар
2025 йилда Австралиянинг Сидней шаҳрида Халқаро астронавтика федератсиясининг навбатдаги 76-конгресси бўлиб ўтади. Унда космонавтика, астронавтика ва муҳандислик йўналишида дунёнинг 100 дан ортиқ давлатидан энг йирик компаниялари ва 10 мингдан ортиқ экспертлар жам бўлишади.
Мазкур глобал форумда ўзбек талабалари ва мутахассислари ҳам махсус “IAF EMERGING SPACE LEADERS” грант дастури асосида иштирок этишлари мумкин.
Бу эксклюзив имконият сизга Австралиянинг Сидней шаҳрида халқаро конгрессда бепул қатнашиш имкониятини тақдим этади.
Тўлиқ маълумот ва қўлланма: https://www.iafastro.org/activities/next-generation/emerging-space-leaders-grant-programme/ Ҳужжат топшириш: https://www.iaf-grant-programme.org/
Шошилинг, аризаларни қабул қилиш 2025 йилнинг 14 февраль санасигача давом этади!!
Маълумот учун: “Ўзбеккосмос” агентлиги мазкур конгресснинг 2023 йил Озарбайжонда ўтган 74-йиғилишида Халқаро астронавтика федератсиясининг тўлақонли аъзоси сифатида қабул қилинган эди. Халқаро астронавтика федерацияси халқаро нодавлат нотижорат илмий ташкилот бўлиб, у коинотни тинч мақсадларда тадқиқ қилиш муаммолари, шунингдек, ҳуқуқий нуқтаи назардан ракета ва космик масалалар билан шуғулланади. Ташкилот 1950 йилда Парижда бўлиб ўтган И Халқаро астронавтика конгрессида 8 та давлат: Австрия, Аргентина, Буюк Британия, Дания, Испания, Франтсия, Германия, Шветсия раҳбарлари томонидан ташкил этилган.