"Ўзбеккосмос" агентлиги

Маълумки, сўнгги йилларда Ўзбекистонда навқирон авлодимизнинг ҳуқуқ ва манфаатларини таъминлаш, ўғил-қизларимизнинг билим олиши, меҳнат қилиши, ўз қобилият ва истеъдодини рўёбга чиқариши учун барча шароитларни яратиш сўнгги йилларда Ўзбекистонда давлат сиёсати даражасига кўтарилгани ва бу борада улкан ишлар амалга оширилмоқда.

Янгиланган Ўзбекистон Республикасининг Конституциясида ёш авлоднинг ҳуқуқ ва манфаатлари аниқ моддалар билан муҳрлаб қўйилгани, ҳеч шубҳасиз, бу борадаги ҳуқуқий базани янада кенгайтириш, амалий ишларни янги босқичга кўтариш имконини бермоқда.

"Ўзбеккосмос" агентлиги мамлакатимиз олий ўқув юртлари талабалари орасида ёш истеъдодларни космик соҳани ривожлантиришга жалб этиш борасида ҳам фаол иш олиб бормоқда.

Шундай қилиб, жорий йилнинг сентабр ойидан бошлаб "Ўзбеккосмос" агентлиги "Олтин фонд" янги дастурини амалга оширмоқда. Ушбу ташаббус космик соҳага қизиққан ёш ва истиқболли талабалар ва мактаб ўқувчиларини аниқлаш ва қўллаб-қувватлашга қаратилган.

"Олтин фонд" фаоллари сафига қўшилиш ноёб имкониятларни очиб беради:

Ташкилий кўникмалар - "Ўзбеккосмос" агентлиги мутахассислари раҳбарлигида лойиҳаларни самарали бошқариш ва жамоалар ишини мувофиқлаштиришни ўрганиш.

Юмшоқ кўникмалар (Софт Skills) - ҳар қандай соҳада муваффақиятли мартаба учун зарур бўлган коммуникатив, нотиқлик ва таҳлилий кўникмаларни ривожлантириш.

Карера - космик технологиялар соҳасидаги ҳақиқий лойиҳалар устида ишлаш орқали қимматли тажрибага эга бўлиш ва келажакда биз билан ишлаш.

Профессионал алоқалар - космик тадқиқотлар соҳасидаги етакчи мутахассислар билан ўзаро алоқада бўлган алоқа тармоғини кенгайтириш.

Жаҳон истиқболлари-нафақат "Ўзбеккосмос" агентлигида, балки мамлакатимиз ташқарисида ҳам амалиёт ўташ имконияти.

Ҳозирда Агентлик томонидан айрим олий ўқув юртларида учрашувлар ва тақдимотлар ўтказилди:

1. Тошкент ахборот технологиялари университети (ТАТУ). 

2. Тошкент давлат транспорт университети (ТДТУ).

3. Тошкент давлат шарқшунослик университети (ТДШУ).

4. Турин политехника университети (ТПУ).

Бу сизнинг коинот оламидаги саёҳатингизнинг бошланиши. "Ўзбеккосмос" агентлигига қўшилинг ва биз билан биргаликда космик соҳада келажакни яратинг