Ўзбекистон Республикаси Вазирлар Маҳкамаси ҳузуридаги Космик тадқиқотлар ва технологиялар агентлиги ва Ўзбекистон Республикаси Ўрмон хўжалиги давлат қўмитаси билан ишчи учрашув бўлиб ўтди
2021-03-30 00:00:00 / Янгиликлар
Жорий йилнинг 30 март куни ўрмон кадастрини юритишда Ерни масофадан зондлаш технологияси, ахборот-коммуникация технологиялари ва учувчисиз учиш қурилмаларидан кенг фойдаланиш ишларини самарали ташкил этиш ва шу тариқа белгиланган вазифа ва топшириқларни ижросини таъминлаш ҳамда ҳамкорлик истиқболларини муҳокама қилиш мақсадида “Ўзбеккосмос” агентлиги ҳамда Ўрмон хўжалиги давлат қўмитаси вакиллари ўртасида учрашув бўлиб ўтди.
Учрашув давомида томонлар Ўзбекистон Республикаси Бош вазирининг маслаҳатчиси ИТ-технологиялар, телекоммуникациялар ва инновацион фаолиятни ривожлантириш департаменти бошлиғи О. Умаров бошчилигида 2021 йил 17 март куни 08-08/1-1935-сон Давлат кадастрларини юритишни такомиллаштириш ва рақамлаштириш ишларини жадаллаштириш бўйича ўтказилган видео селектор йиғилиши Баёнининг 5-бандидаги “Ўрмон кадастрини юритишда ерни масофадан туриб зондлаш технологиясини жорий этиш бўйича асосланган таклифларни ишлаб чиқиш ҳамда Вазирлар Маҳкамасига киритиш масаласи” ижросини таъминлаш юзасидан мунозаралар олиб бордилар. Шунингдек, Ўрмон хўжалиги давлат қўмитаси томонидан фойдаланилаётган ерлар, жисмоний ва юридик шахсларга ижарага берилган ерлар, ўрмон фондининг бўш ерлари ва фойдаланиб бўлмайдиган ерлар гуруҳларига ажратиш масалалар ечими юзасидан ҳамкорликда ишлаш юзасидан суҳбатлашдилар.
Учрашув якунида Ўрмон хўжалиги давлат қўмитаси томонидан тақдим этилган асосланган техник тавсиф ва топшириқ асосида Ўзбекистон Республикаси Тошкент вилоятининг Қуйичирчиқ ва Бекобод туманларида ўрмон хўжалиги соҳасида пилот лойиҳани амалга оширишга келишилди.