"Ўзбеккосмос" агентлиги ва «Нокиа» компанияси учувчисиз учиш қурилмаларини мониторинг қилиш ва диспетчеризатсиялаш соҳасида ҳамкорликни ривожлантирмоқда
2021-03-24 00:00:00 / Янгиликлар
Жорий йилнинг 24 март куни "Ўзбеккосмос" агентлиги ва «Нокиа» компанияси ўртасида видеоконферентсия шаклида биринчи расмий учрашув бўлиб ўтди. Тадбирда "Ўзбеккосмос" агентлиги мутахассислари, Ўзбекистон Республикасининг Финляндиядаги Фавқулодда ва мухтор элчиси ҳамда «Нокиа» компаниясининг Марказий Европа ва Марказий Осиё бўйича витсе-президенти иштирок этишди. Томонлар учувчисиз учиш қурилмаларини мониторинг қилиш ва диспетчеризатсиялаш соҳасида ҳамкорликнинг истиқболли йўналишларини муҳокама қилдилар.
«Нокиа» компанияси вакиллари авиация техникаси, мониторинг қилиш ва диспетчеризатсиялаш соҳасида, учувчисиз учиш қурилмаларидан фойдаланган ҳолда жамоат хавфсизлигини таъминлаш соҳасидаги «Нокиа» компаниясининг тақдим этаётган ечимлари бўйича тақдимотлар қилдилар, шунингдек, компаниянинг учувчисиз учиш қурилмаларини мониторинг қилиш ва диспетчеризатсиялаш лойиҳасини амалга ошириш имкониятлари ҳақида сўзлаб беришди.
Учрашув якунида томонлар «Нокиа» компаниясининг Ўзбекистон Республикасида учувчисиз учиш қурилмаларини мониторинг қилиш ва диспетчеризатсиялаш лойиҳасини амалга ошириш бўйича таклифларини кўриб чиқишга келишиб олдилар.