Ўз наносунъий йўлдошингизни йиғиб, уни стратосферага учиринг!

“UniSat” тўртинчи бор қайтмоқда! “UniSat” – Ўзбекистоннинг барча ҳудудларида яшовчи 15-24 ёшли қизлар учун бепул муҳандислик дастури. Тўрт ой давомида сиз “CubeSat нима?” деган саволдан бошлаб, ҳақиқий наносунъий йўлдошни учиришгача бўлган жараён билан танишасиз. Олдиндан тажрибага эга бўлиш шарт эмас, барча билим ва кўникмаларни нолдан бошлаб ўрганасиз!

 Сизларни нималар кутмоқда:
 Маҳаллий ва халқаро экспертлар иштирокидаги онлайн тренинглар;
 Космик технологиялар, электроника, дастурлаш, 3Д-моделлаштириш ва маълумотлар таҳлилини ўрганиш;
 Ҳақиқий CubeSat наносунъий йўлдоши билан ишлаш;
 2027-йил баҳорида наносунъий йўлдошнинг стратосферага парвозини амалга ошириш!

 Дастур якунида энг яхши 20 нафар иштирокчи экипаждан жой олади: биз Тошкентда оффлайн-буткемп ўтказамиз. Бу ерда сиз ўз CubeSat йўлдошингизни йиғасиз ва илмий тажрибаларингизни режалаштирасиз. Буткемпдан сўнг наносунъий йўлдошни учириш учун Қорақалпоғистонга йўл оласиз.

Иштирок этиш учун аризани Телеграм-бот орқали юборинг: https://t.me/unisat_reg_bot

“UniSat 4.0” дастури @tec4himpact_uz ва Unisef томонидан @mitcuz ва @uzcosmos_official билан ҳамкорликда ўтказилмоқда.

Ушбу ташаббус Европа Иттифоқи 🇪🇺 томонидан “Ўзбекистонда хотин-қизларнинг иқтисодий имкониятларини кенгайтириш” қўшма дастури доирасида молиялаштирилиб, UNFPA, UN Women вa UNICEF томонидан Ўзбекистон Ҳукумати билан яқин ҳамкорликда, Ўзбекистон Республикаси Рақамли технологиялар вазирлиги ҳамда “Ўзбеккосмос” агентлиги кўмагида амалга оширилмоқда.