Орбитада 226 кун бўлган халқаро космик стансия командири ўзбекистонлик журналистлар билан учрашди
2026-05-14 16:50:00 / Янгиликлар
НАСА нинг тажрибали астронавтларидан бири, 9 марта очиқ космосга чиқиб, орбитада 226 кун бўлган халқаро космик станция командири Эндрю Фойстел Ўзбекистонга келди.
Бугунги кунда у АҚШнинг Vast компанияси билан ҳамкорлик қилмоқда. Va инсониятнинг кейинги авлод орбитал станцияларини яратишга қаратилган йирик лойиҳаларни амалга оширмоқда. Компаниянинг “Ҳавен-1” лойиҳаси дунёдаги илк тижорий космик станциялардан бири сифатида эътироф этилмоқда.
Ташриф доирасида астронавт "Ўзбеккосмос" агентлиги томонидан ташкил этилган маҳаллий оммавий ахборот воситалари вакиллари билан учрашувда иштирок этиб, Ўзбекистонда космонавтикани ривожлантириш учун энг аввало инсон капиталига инвестиция қилиш муҳимлигини таъкидлади. Унинг фикрича, замонавий космик саноатда муваффақиятга эришиш учун катта ракеталар ёки миллиардлаб доллар эмас, балки малакали муҳандислар, дастурчилар ва илмий тафаккур зарур.
Астронавт ёшларни фан, технология, муҳандислик ва математика йўналишларига кенг жалб қилиш муҳимлигини қайд этди. У Ўзбекистоннинг тарихий илмий мероси, хусусан, Мирзо Улугбек фаолиятини алоҳида эътироф қилиб, мамлакат космик илм-фан ривожи учун катта салоҳиятга эга эканини билдирди.