Ўзбеккосмос агентлиги Рақамли технологиялар вазирлиги билан ҳамкорликда буюк давлат арбоби, саркарда ва илм-фан ҳомийси соҳибқирон Амир Темур таваллудига 690 йиллигига бағишлаб маърифий тадбир ўтказди
2026-04-09 14:30:00 / Янгиликлар
Ўзбеккосмос агентлиги Рақамли технологиялар вазирлиги билан ҳамкорликда буюк давлат арбоби, саркарда ва илм-фан ҳомийси соҳибқирон Амир Темур таваллудига 690 йиллигига бағишлаб маърифий тадбир ўтказди.
Унда Ўзбекистон халқ ёзувчиси, шоир, таржимон ва олим Муҳаммад Али қаламига мансуб Соҳибқирон Амир Темурнинг болалик чоғидан то йигитлик давригача бўлган ҳаёт йўли жонлантирилган “Темурбек” номли китоби тақдимоти бўлиб ўтди.
Тадбирда мазкур асар муаллифи Ўзбекистон халқ ёзувчиси Муҳаммад Али томонидан китоб мундарижаси, мазмун-моҳияти, Соҳибқироннинг туғилиш йилларидан бошлаб то куч-қувватга тўлган давригача бўлган ҳаёт йўли ҳақида қизиқарли маълумотлар берилди.
Китоб тақдимотида жонли саҳна кўринишлари намойиш этилди ҳамда тадбир иштирокчилари ўртасида Соҳибқирон шахси ва даврига оид саволлардан ташкил топган онлайн Қуиз-турнир (Каҳоот платформасида) ўтказилди.
Бир сўз билан айтганда юртимиз равнақи ва илм-фан тараққиёти йўлида Амир Темур мероси биз учун доимо илҳом манбаи бўлиб қолади.