Қашқадарёда сунъий интеллект ва аэрокосмик технологиялар орқали рақамли трансформацияни ривожлантириш соҳаси муҳокама қилинди
2026-01-16 09:20:00 / Янгиликлар
Қашқадарё вилоятида турли соҳаларда аэрокосмик технологияларни татбиқ этиш ва ушбу технологияларни қўллаш бўйича кадрларни тайёрлаш ҳамда қайта тайёрлаш бўйича 2026 йилда амалга ошириладиган ишлар юзасидан Рақамли технологиялар вазирлиги ҳузуридаги Космик тадқиқотлар ва технологиялар агентлиги ҳамда вилоятдаги масъул соҳавий ташкилотлар томонидан ишлаб чиқилган чора-тадбирлар режаси ва бу борада агентликнинг фаолияти ҳамда вазифалари юзасидан тақдимот ўтказилди.
Агентлик билан яқиндан ҳамкорликни йўлга қўйиш орқали қишлоқ хўжалиги, кадастр, агросаноат ҳамда ветеринария ва чорвачиликни ривожлантириш, ирригация-ҳавза тизимлари, балиқсаноати, тоғ-конь саноати ва геология соҳасини назорат қилиш, экология ва иқлим ўзгариши соҳасида кўплаб имконият ҳамда мониторинг ишлари амалга оширилиши кўзда тутилган.
Тақдимот давомида вилоят ҳокими томонидан бир қанча таклиф ва мулоҳазалар билдирилиб, вилоятдаги соҳавий мутасадди раҳбарларга мазкур жараёнлар бўйича бир қатор топшириқлар берилди.