CCВ: Кўп тармоқли тиббиёт муассасаларида иш ҳақи тўланадиган интернатура ташкил этилади
2024-04-04 10:20:00 / Янгиликлар
Соғлиқни сақлаш вазирининг тегишли буйруғи билан 2024/2025 ўқув йилидан бошлаб тиббиёт олий таълим муассасаларининг битирувчи курс талабалари учун кўп тармоқли тиббиёт ташкилотларида иш ҳақи тўланадиган бирламчи мақсадли ихтисослаштириш курслари (интернатура) ташкил этилади.
Унга кўра, 2024/2025 ўқув йили қабулида ҳужжат топширувчиларга қулайлик яратиш мақсадида рўйхатдан ўтиш жараёни онлайн тарзда – таълим муассасаларининг расмий веб-сайтлари орқали 5–20 август кунлари (шу куни ҳам) амалга оширилади.
2024/2025 ўқув йилида интернетурада таҳсил олиш учун қабул квоталари, ихтисосликлар ва таълим муассасалари рўйхатлари, ўқиш жараёнининг бошланиш муддатлари билан бу ерда батафсил танишиб чиқишингиз мумкин.
Соғлиқни сақлаш вазирлиги
Матбуот хизмати.
