ССВ: My.gov.uz портали орқали 25 турдаги электрон тиббий хизматлардан фойдаланиш мумкин
2025-02-20 10:25:00 / Янгиликлар
Ягона интерактив давлат хизматлари портали (my.gov.uz) юртдошларимизга ана шундай қулайликларни тақдим этмоқда. Ушбу платформадан аҳоли ва тадбиркорлар учун мўлжалланган 25 турдаги электрон тиббий хизмат ҳам жой олган.
Улар қуйидагилардан иборат:
COVID-19 га қарши эмлашга ёзилиш ва ҳолатини текшириш
Тиббиёт ташкилотларини аккредитация қилиш
Тана вазни ва оғирлиги калькулятори
Болаларнинг эмланиш тақвими
40 ёшдан кейинги юрак қон-томир тизими касалликларининг хавфини баҳолаш номограммаси
Оилавий шифокорлик пунктлари, оилавий поликлиникалар ва кўп тармоқли марказий поликлиникаларда давлат томонидан бепул бериладиган дори воситалари ва тиббиёт буюмлари тўғрисида маълумот
Аҳолини профилактик кўриклар ва скрининг дастурларидан ўтказиш тақвими
Соғлом турмуш тарзини қўллаб-қувватлаш саломатлик кўрсаткичлари ҳақида маълумот олиш
Фуқарога бириктирилган оилавий шифохона шифокори тўғрисидаги маълумотлар билан танишиш
Тиббиёт муассасаларида даволаниш учун берилган имтиёзли йўлланма ҳолатини текшириш
Шифокор қабулига ёзилиш
Ижтимоий таътиллар (ҳомиладорлик ва туғиш таътиллари, болани парваришлаш таътиллари)га чиқишни расмийлаштириш
Вақтинча меҳнатга лаёқатсизлик варақалари ва бошқа тиббий маълумотларни олиш
Профилактик эмланганлик ҳолатини текшириш
Қандли диабет скринингини олиш
Антропометрия скринингини олиш
Фтизиатрия касалликлари ҳисобида туриш ёки турмаслиги тўғрисида маълумот олиш
Руҳий касалликлар бўйича диспансер ҳисобида туриши ёки турмаслиги тўғрисида маълумотнома олиш (соддалаштирилган тартибда)
Наркология диспансери ҳисобида туриши ёки турмаслиги тўғрисида маълумотнома олиш (соддалаштирилган тартибда)
Тиббиёт ва фармацевтика ходимларини аттестациядан ўтказиш ва уларга малака тоифалари бериш.
Тиббиёт ва фармацевтика ходимларига берилган аввалги аттестациядан ўтганлик тўғрисидаги сертификатни текшириш ва юклаш
Тиббий маълумотномаларни олиш (083/ҳ шаклдаги)
Юрак-қон томир касалликлари скрининги натижаларини олиш
Ташкилотлар ва тадбиркорлик субъектларининг санитария-эпидемиология хавфсизлиги шартларига мувофиқлиги маълумотлари билан танишиш
Қон таҳлил натижаларини текшириш.
Тегишлилига кўра жисмоний ва юридик шахсларга мўлжалланган ушбу хизматлар my.gov.uz порталининг “Соғлиқни сақлаш бўлими”дан жой олган.
Улардан фойдаланиш учун ариза берувчи порталда рўйхатдан ва/ёки авторизациядан ўтиши ҳамда сўров юбориши талаб этилади. Аризалар автоматик тарзда кўриб чиқилиб, маълумотлар электрон форматда тақдим этилади.
Соғлиқни сақлаш вазирлиги
Матбуот хизмати.