Ўзбекистон Республикаси Соғлиқни сақлаш вазирлиги

Мутахассисларга кўра, ушбу синдром жуда кам учрайдиган ҳамда болаларда оғир асоратларни келтириб чиқарадиган касаллик ҳисобланади. Бу ҳолатда жигарга келиши керак бўлган қон юракка йўналади ва натижада жигар қон таъминоти бузилиб, у ўз вазифасини тўлиқ бажара олмай қолади.

Самарқанд шаҳрилик 3 ойлик гўдакда шу хасталик аниқлангач, Болалар миллий тиббиёт маркази шифокорлари томонидан у атрофлича текширувдан ўтказилди ҳамда зарур муолажа усули ишлаб чиқилди.

Жигарнинг қон айланишини тиклаш ва касалликни бартараф этиш, муҳими, бола ҳаётини сақлаб қолишга қаратилган ушбу усул асосида жуда кам учрайдиган хасталик муваффақиятли муолажа қилинди.

Айни пайтда бемор шифокорлар назорати остида тегишли муолажаларни давом эттирмоқда.

ССВ Матбуот хизмати томонидан тайёрланган шу хусусдаги махсус видеолавҳа билан кейинроқ танишишингиз мумкин.

Соғлиқни сақлаш вазирлиги 
Матбуот хизмати.