Чет тили имтиҳони саналари эълон қилинди
2024-11-22 10:45:00 / Янгиликлар
Чет тилини билиш даражасини аниқлаш бўйича бўлиб ўтадиган навбатдаги тест синови саналари эълон қилинди. Унга кўра:
тест синовининг ёзма қисми — 23-24 ноябрь кунлари;
гапириш кўникмасини баҳолаш имтиҳонлари — 25 ноябрдан 13 декабрга қадар бўлиб ўтади (дам олиш кунларидан ташқари).
Талабгорлар имтиҳон жойи, куни ва аниқ вақтини my.gov.uz сайтининг “Mening arizalarim” бўлимидан билишлари ва рухсатномани юклаб олишлари мумкин.
Талабгорлардан тест синовига белгиланган вақтдан камида бир соат олдин шахсини тасдиқловчи ҳужжат (паспорт ёки ID-карта) билан келишлари сўралади.