Маълумки, Тошкент шаҳар жиноят ишлари бўйича судининг ижро ҳужжатларига кўра, "Док-1 Макс" ва "Амбронол" дори воситалари
2026-10-28 14:15:00 / Янгиликлар
Бироқ айбдорларнинг хатланган мол-мулкини сотиш жараёни белгиланган муддатдан чўзилгани сабабли бугунги кунга қадар ушбу маблағнинг 20 фоизи, яъни 16,8 миллиард сўм тўланган, холос. Компенсациянинг қолган қисми эса бир неча йилдан буён тўланмай келган.
Шу боис Президентимиз томонидан жабрланган оилаларга этказилган моддий ва маънавий зарарни тўлиқ қоплаб бериш ишларини тезлаштириш бўйича тегишли топшириқ берилди.
Шунга асосан давлат буджетидан 65,2 миллиард сўм ажратилди. Шу тариқа бугунга қадар 88 нафар жабрланувчига жами 80 миллиард сўм, шу жумладан, вафот этган 72 нафар бола оилаларига 72,2 миллиард сўм, даволанган ва даволанаётган 16 нафар бола оилаларига эса 7,8 миллиард сўм тўланди.
Банк карталари билан боғлиқ техник масалалар ҳал этилгандан сўнг 2 нафар бола оила азоларига ҳам қолган 2 миллиард сўм тўлиқ тўлаб берилади.
Буджетдан ажратилган 65,2 миллиард сўм маблаг ъ айбдор шахсларнинг мол-мулкини сотишдан тушган ва улардан ундирилган маблаг ъ ҳисобидан республика буджетига қайтарилади.
Айни пайтда Соғлиқни сақлаш вазирлиги, тегишли давлат ташкилотлари ва идоралари масъуллари республика тиббиёт марказлари шифокорлари билан биргаликда жабрланган оилаларнинг ҳолидан хабар олиб, болаларга қўшимча зарур тиббий ва психологик ёрдам кўрсатиш чораларини кўрмоқда.
ССВ Матбуот хизмати.