Бухоро давлат тиббиёт институти қошидаги Туркия тиббиёт фанлари университети факультети талабалари учун Анқарада ёзги амалиёт курслари ташкил этилди
2024-08-26 14:10:00 / Янгиликлар
Бухоро давлат тиббиёт институти қошидаги Туркия тиббиёт фанлари университети факультетининг бир гуруҳ талабалари Анқара шаҳрида малака ошириш ва ёзги амалиёт курсларини муваффақиятли якунлади.
35 кун давом этган ушбу курсларда мамлакатимиздан 30 нафарга яқин бўлажак шифокорлар қатнашиб, ўз тажрибаларини оширди. Хусусан, улар Анқара шаҳридаги нуфузли тиббиёт муассасаларидан бирининг хирургия, травматология, анестезиология, интенсив терапия бўлимларида амалий кўникмаларни эгаллади.
Амалиёт якунида Туркия тиббиёт фанлари университети ректори Камолиддин Айдин ҳамда мамлакатимиз элчихонаси вакиллари иштирокида талабаларга сертификатлар топширилди.