Пойтахтимизда саратонга чалинган болаларни ташхислаш, даволаш ва мультидисциплинар қўллаб-қувватлаш борасидаги замонавий ёндашувларга бағишланган
2026-05-19 16:15:00 / Янгиликлар
Тадбирда АҚШ, Канада, Нидерландия, Австрия, Польша, Сербия, Словакия, Чехия, Греция, Руминия, Беларусь, Озарбайжон, Украина, Албания, Арманистон, Қозоғистон, Қирғиз Республикаси, Тожикистон каби 18 мамлакатдан онколог ва мутахассислар иштирок этмоқда.
Соғлиқни сақлаш вазири ўринбосари Адхам Худайқулов очиб берган тадбирда жаҳоннинг етакчи мутахассислари маърузалари эшитиляпти.
Беш кун давом этадиган ушбу халқаро курс онкологлар, нейрохирурглар, нур терапевтлари, реаниматологлар, паллиатив ёрдам мутахассислари ҳамда болалар онкологияси ва гематологияси соҳасидаги шифокорлар учун муҳим илмий ва ўқув платформаси бўлиб хизмат қилади.
Курс юртимизда биринчи бор ўтказилаётган бўлиб, Соғлиқни сақлаш вазирлиги, Болалар саратони бўйича халқаро академик хаб (Ўзбекистон), “Princess Máxima” болалар онкологияси маркази (Нидерландия) ва “St. Jude Global” ташкилоти (АҚШ) томонидан ташкил этилди.
Соғлиқни сақлаш вазирлиги
Матбуот хизмати.