Самарқандда бўлиб ўтаётган “Жамоат саломатлиги ва хавфсизлигини таъминлаш мақсадида трансмиллий наркотаҳдидларга қарши курашиш” мавзусидаги халқаро форумнинг 2-сессияси соғлиқни сақлаш
2026-04-20 16:55:00 / Янгиликлар
Унда гиёҳвандлик билан боғлиқ касалликларни даволашнинг далилларга асосланган усуллари, муолажадан кейинги реабилитация хизматлари кўриб чиқилмоқда.
Муҳокамаларда халқаро кўрсатмаларга мувофиқ хизматлар, амалиётлар ва тизимларни жорий этиш, жавоб механизмларининг самарадорлиги ҳамда инсон ҳуқуқларини ҳимоя қилишга алоҳида эътибор қаратиляпти.
Сессияда юртимиз мутахассислари билан бирга, БМТнинг Гиёҳванд моддалар ва жиноятчилик бўйича бошқармаси (UNODC), Европанинг йирик EUDA ташкилоти вакиллари ўз тажрибалари билан ўртоқлашмоқда.
Шунингдек, панел мулоқотларда Бутунҳиндистон тиббиёт фанлари институти профессори Ятан Пал Сингх Балхара, Шарқий Европа мамлакатларидаги Жаҳон психиатрия ассоциацияси вакили Николай Негай каби экспертлар иштирок этяпти.
Соғлиқни сақлаш вазирлиги
Матбуот хизмати.
