Шу кунларда Жаҳон соғлиқни сақлаш ташкилоти ва АҚШнинг Сент-Жуд болалар тадқиқот шифохонаси вакиллари мамлакатимизда бўлиб турибди
2026-02-24 17:25:00 / Янгиликлар
Шу кунларда Жаҳон соғлиқни сақлаш ташкилоти ва АҚШнинг Сент-Жуд болалар тадқиқот шифохонаси вакиллари мамлакатимизда бўлиб турибди. Меҳмонлар юртимизда болалар онкологиясини эрта ташхислаш ва даволаш борасида олиб борилаётган ишлар билан танишмоқда.
Бугун улар “Uzbekistan Airports Cargo” логистик мажмуаси ҳамда Санитария-эпидемиологик осойишталик ва жамоат саломатлиги қўмитасининг вакциналар омборига ташриф буюриб, онкологик дори воситаларини “совуқлик занжири” асосида сақлаш ва ташиш жараёнларини кўздан кечиришди.
Халқаро экспертлар Болалар гематологияси, онкологияси ва иммунологияси илмий-амалий тиббиёт маркази фаолияти билан ҳам танишди.
Айни пайтда делегация Тошкент шаҳар кўп тармоқли шифохонасидаги "Taskin" болалар онкологик хосписида бўлиб турибди.
ССВ Матбуот хизмати томонидан тайёрланган шу ҳақдаги видеолавҳа билан яқин вақтларда танишасиз.
Соғлиқни сақлаш вазирлиги
Матбуот хизмати.