Мулоқотлар самараси сифатида юртимиз Соғлиқни сақлаш вазирлиги масъуллари Япониянинг Ўзбекистондаги Фавқулодда ва Мухтор элчиси Хирата Кэндзи билан Тошкент шаҳар “Қон препаратлари” илмий-ишлаб чиқариш корхонасида учрашди. 

Мақсад — “Қон маҳсулотлари сифатининг назорати тизимини такомиллаштириш” лойиҳаси доирасидаги ҳамкорликни кенгайтириш.

Эслатиб ўтамиз, жорий йилнинг ноябрь ойида элчи ва вазир учрашиб, Япoния ҳукуматининг грант дастури дoирасида маммoграфия аппаратларини етказиб бериш лoйиҳасини муҳокама қилган эди. Бу сафар эса Япония халқаро ҳамкорлик агентлиги (JICA) билан биргаликда амалга оширилаётган, қон сақлаш ва ташиш учун ускуналар таъминотига қаратилган лойиҳа юзасидан фикр алмашилди. 

Лойиҳа доирасида Япония ҳукуматининг 2,3 миллион АҚШ доллари миқдоридаги грант маблағлари ҳисобига эндиликда мамлакат бўйлаб 14 та ҳудудий қон маркази ва давлат клиникалари тасарруфидаги 3 та қон қуйиш станцияси 7 турдаги 268 та замонавий қон сақлаш ва ташиш ускунаси, 4 турдаги 136 та аксессуар билан жиҳозланади. Бундай ускуналар аввалроқ Республика қон қуйиш марказида ўрнатилганди. 

Мазкур лойиҳа донорлар томонидан берилган қондан ишлаб чиқарилган қон маҳсулотларининг сақланиш муддатини ошириш, хавфсиз қон маҳсулотларидан фойдаланиш имконини беради.

Соғлиқни сақлаш вазирлиги 
Матбуот хизмати.