Ўзбекистон қайта тикланувчи энергия манбаларига сармоя киритишни кенгайтиради

Маросимда Ўзбекистон томонидан инвестициялар, саноат ва савдо вазири Лазиз Кудратов ва энергетика вазири Жўрабек Мирзамахмудов, БАА томонидан эса ушбу мамлакат инвестиция вазири Муҳаммад ал-Сувайдий иштирок этди.

Имзоланган ҳужжат икки мамлакатнинг давлат органлари ва хусусий сектор корхоналари ўртасида инвестициялар жалб қилиш, қўшма тадқиқот дастурларни амалга ошириш, техник билим, кўникма ва тажриба алмашиш учун мустаҳкам замин яратиб беради. Битимда назарда тутилган ҳамкорлик шакллари шамол, қуёш, гидроелектр стансияларини ишлаб чиқариш, энергия сақлаш иншоотларини қуриш бўйича лойиҳалар ва инвестиция имкониятларини аниқлаш, баҳолашни ва натижалар билан алмашишни ўз ичига олади.

Ҳужжатнинг самарали ижросини таъминлашга қаратилган келгусидаги тадбирларнинг қўшма режаси ишлаб чиқилади. Унда ижро механизмлари ва масъул тузилмалар акс эттирилади.