Инвестициялар, саноат ва савдо

Мамлакат иқтисодиёти ва аҳоли бандлигида саноат жуда катта ўрин тутади.

Миллий статистика қўмитаси маълумотларига кўра, 2026 йил 1 январь ҳолатига республикада 59 мингдан ортиқ саноат корхоналари фаолият кўрсатмоқда. 2025 йилнинг январь-декабрь ойларида республика корхоналари томонидан 1100,0 трлн сўмликдан ортиқ саноат маҳсулотлари ишлаб чиқарилди. Бу кўрсаткич ўтган йилнинг мос даври билан солиштирилганда 6 фоиздан кўпроққа ошган.

2026 йил 1 январь ҳолатига кўра, хорижий инвестициялар иштирокида фаолият кўрсатаётган корхоналар сони 18 мингдан ортиқ бўлиб, шундан 4 мингдан ортиғи қўшма корхоналар, 14 мингга яқини хорижий корхоналар ҳиссасига тўғри келмоқда.

2025 йилнинг январь-декабрь ойларида ташқи савдо айланмаси 81 миллиард доллардан ошди. АҚШ долларини ташкил этди ва 2024 йилга нисбатан 20 фоиздан кўпроққа ошди.

Ўзбекистоннинг ташқи савдо айланмасида:
Экспорт - 33 миллиард сўмдан ортиқ (2024 йилга нисбатан 24 фоиз)
Импорт - 47 миллиард сўмдан ортиқ (2024 йилга нисбатан 18,5 фоиз)

Ўзбекистон Республикаси жаҳоннинг 210 мамлакати билан савдо алоқаларини амалга оширади. Ташқи савдо айланмасининг энг катта ҳажми Хитой (21 фоиздан ортиқ), Россия (тахминан 16 фоиз), Қозоғистон (6 фоиздан ортиқ), Туркия (тахминан 4 фоиз) ва Корея Республикаси (2 фоиздан ортиқ) билан қайд этилган.

2025 йилнинг 21-апрель куни “2025 йил учун хусусийлаштириш дастури тўғрисида”ги Президент Фармони қабул қилинди. Фармонига кўра, қуйидагилар 2025 йилда хусусийлаштиришнинг асосий мақсадли кўрсаткичлари этиб белгиланди:
(а) 30 триллион сўмлик давлат активлари ва ер участкаларини сотиш ва камида 10 триллион сўм тушумни таъминлаш;
(б) давлат ва давлат иштирокидаги корхоналарга тегишли 115 та жамият устав капиталидаги улушларни, 659 та кўчмас мулк объектини ва 6,1 минг гектар ер участкаларини савдога чиқариш;
(в) дастлабки босқичда камида 30 та фойдали қазилма кон ва участкаларидан фойдаланиш ҳуқуқини савдога чиқариш.