#расмий_муносабат
2026-06-19 19:25:00 / Янгиликлар
Ижтимоий тармоқларда Сергей Есенин мемориал музейи фаолияти бўйича билдирилган мурожаатлар юзасидан Маданий мерос агентлиги томонидан қуйидагилар маълум қилинади.
Сергей Есенин мемориал музейида таъмирлаш-тиклаш ишлари 2026 йилнинг февраль ойидан бошланган бўлиб, мазкур ишлар жорий йилнинг сентабр ойида якунланиши режалаштирилган. Таъмирлаш ишлари якунлангач, музей экспозицияси қайта шакллантирилади ҳамда музей фаолияти ташриф буюрувчилар учун қайта йўлга қўйилишини маълум қиламиз. Шунингдек, бугунги кунда музейда олиб борилаётган қайта тиклаш ишлари Маданий мерос агентлиги томонидан белгиланган тартибда назорат қилиб борилмоқда.
Маълумот учун, Маданий мерос агентлиги директорининг 2025 йил 16 июндаги тегишли буйруғига асосан 2025 йилнинг 15-сентабрдан 25 ноябргача Сергей Есенин мемориал музейида сақланаётган музей ашёлари ва коллекцияларининг тўлиқ хатлови ўтказилган. Хатловдан ўтказилган экспонатларнинг бутлиги ва хавфсизлигини таъминлаш мақсадида улар вақтинча Ўзбекистон давлат санъат музейига жойлаштирилган.