Илмий-эксперт кенгашининг навбатдан ташқари йиғилишида қатор муҳим масалалар кўриб чиқилади
2025-12-01 11:55:00 / Янгиликлар
2025 йил 2 декабрь куни Тошкент шаҳрида Маданий мерос агентлиги ҳузуридаги Илмий-эксперт кенгашининг навбатдан ташқари йиғилиши ўтказилади. Йиғилиш кун тартибига маданий мерос объектларига етказилган зарарларни баҳолаш, шунингдек бир қатор ёдгорликларда таъмирлаш ва реставрация лойиҳаларини кўриб чиқиш масалалари киритилган.
Кун тартибига 13 та масала киритилган бўлиб, унда Бухоро Наманган, Навоий вилоятлари ва Тошкент шаҳрида жойлашган археология ва архитектура ёдгорликларига етказилган зарар бўйича тарихий-маданий экспертизалар ўтказилади. Шунингдек, мажлисда қатор объектларда олиб бориладиган таъмирлаш ва реставрация лойиҳалари кўриб чиқилади.
Илмий-эксперт кенгаши кун тартибидаги масалаларнинг тўлиқ рўйхати билан Маданий мерос агентлигининг расмий сайтида танишиб чиқиш мумкин.