Вазир ўринбосари генерал-майор Бекмурод Абдуллаев бошчилигидаги ишчи гуруҳнинг Қашқадарё вилоятидаги ўрганишлари давом этмоқда
2024-09-13 10:05:00 / Янгиликлар
Даставвал, Вазир ўринбосари вилоят ИИБ ЖХХ ЙҲХБда бўлиб, йўл-патруль хизмати инспекторлари иштирокида саф кўриги ўтказди. Саф кўриги давомида ходимларнинг хизматга шайлиги, анжомлари ҳамда саф тайёргарлигини кўздан кечирди.
Шунингдек, жорий йилда қурилиши режалаштирилаётган Кўкдала ва Шаҳрисабз тумани ЙҲХБлари маъмурий биноларининг таъмирлаш тақдимот режаси билан ҳам яқиндан танишди.
Генерал-майор жараёнда хизмат автомобилларининг сони, техник ҳолатини кўздан кечириб, хизмат ва иш унумдорлигини кучайтириш, йўлларда ҳаракат хавфсизлигини таъминлаш ҳамда ҳуқуқбузарликларнинг олдини олиш бўйича масъулларга тегишли кўрсатма ва топшириқлар берди.
ИИВ Жамоат хавфсизлиги департаменти Ахборот хизмати