Ички ишлар вазири ўринбосари генерал-майор Баходир Мирзараҳимов Самарқанд вилоятида ходимларнинг хизмат фаолияти билан яқиндан танишди
2024-08-21 20:45:00 / Янгиликлар
![Ички ишлар вазири ўринбосари генерал-майор Баходир Мирзараҳимов Самарқанд вилоятида ходимларнинг хизмат фаолияти билан яқиндан танишди](/_next/image?url=https%3A%2F%2Fapi-portal.gov.uz%2Fuploads%2Fb857d6d0-1341-731d-3fa8-0476e18a4385_lists_slider_.jpg&w=3840&q=75)
Вилоят ИИБ Транспортда хавфсизликни таъминлаш бошқармаси ходимлари билан учрашувда фуқаролар хавфсизлигини таъминлаш, айниқса халқаро тадбирлар вақтида огоҳлик ва ҳушёрликка алоҳида эътибор қаратиш лозимлиги таъкидланди.
Учрашув давомида вазир ўринбосари Самарқанд халқаро аэропорти ишчи-хизматчилари ҳамда ички ишлар органлари ходимлари билан йўловчилар, шунингдек, хорижий ҳамда маҳаллий меҳмонлар хавфсизлигини таъминлашга алоҳида эътибор қаратди.
Самарқандга ташриф буюраётган меҳмонлар салмоғи кун сайин ортиб бормоқда. Юртимизга келаётган меҳмонларга мунтазам равишда ҳурмат ва эҳтиромни намунали даражада кўрсатиш лозимлиги хусусида кўрсатма ва тавсиялар берди.
Самарқанд вилояти ИИБ Ахборот хизмати