Исломов Саидфаррух Жамшидхон ўғли Ўзбекистон Республикаси Президенти ҳузуридаги Ижтимоий ҳимоя миллий агентлигининг Фарғона вилояти бошқармаси бошлиғи лавозимига тайинланди
2025-10-23 13:35:00 / Янгиликлар
Вилоят ҳокимлигида бўлиб ўтган йиғилишда Саидфаррух Исломов жамоатчиликка таништирилди.
С.Исломов 1980 йилда Қўқон шаҳрида туғилган. 2001 йилда Қўқон давлат педагогика институтини, 2009 йиллда Ўзбекистон Республикаси Президенти ҳузуридаги Давлат ва жамият қурилиши академиясини тамомлаган.
Меҳнат фаолияти давомида Қўқон шаҳар “Камолот” ёшлар ижтимоий ҳаракати Кенгаши раиси, “Юксалиш” умуммиллий ҳаракати Фарғона вилояти ҳудудий бўлинмаси раҳбари, Ўзбекистон Республикаси Президенти ҳузуридаги Давлат хизматини ривожлантириш агентлиги Фарғона вилояти филиали раҳбари вазифаларида ишлаган.
Тайинловга қадар Ўзбекистон Маҳаллалар уюшмаси Маънавий-маърифий ишлар, миграция масалалари ҳамда спорт ва соғломлаштириш тадбирларини ташкил этиш бўлими бошлиғи лавозимида ишлаб келган.