Янги лойиҳалар — ҳамкорликнинг навбатдаги қадами
2026-10-17 18:35:00 / Янгиликлар
Вилоят ҳокими Хайрулло Бозоров Хитой Халқ Республикасининг «Jinan Fengmian Machinery Equipment Co., Ltd.» компанияси директори Цюли Лю билан ўтказилган учрашувда инвестиция лойиҳаси кўриб чиқилди.
Компания пахта хом ашёсини қайта ишлаш ва пахта ёғи ишлаб чиқаришга ихтисослашган замонавий саноат мажмуасини қуришни режалаштирмоқда.
Учрашув якунида лойиҳа таклифларини амалий босқичга олиб чиқиш ва бу борада ҳамкорликни давом эттиришга келишилди.
Маълумот учун, «Jinan Fengmian Machinery Equipment Co., Ltd.» компанияси 2012 йилда Шаньдун провинциясининг Цзинань шаҳрида ташкил этилган. Компания пахта хом ашёсини қайта ишлаш саноати учун технологик ускуналарни лойиҳалаш, ишлаб чиқариш ва етказиб беришга ихтисослашган.
Компания ўз ишлаб чиқариш қувватлари ва муҳандислик-техник салоҳиятига, шунингдек, халқаро бозорларга, жумладан, Марказий Осиё давлатларига ускуналар етказиб бериш тажрибасига эга.