Фарғонадаги Ўзбекистон–Россия Ҳудудлар кенгаши Россия ОАВлари эътиборида
2026-10-07 13:20:00 / Янгиликлар
Хусусан, Россиянинг «Интерфакс» ахборот агентлиги 6 октябрь куни Кенгаш ҳақида материал эълон қилиб, Россия Президенти Владимир Путиннинг тадбир иштирокчиларига йўллаган табригига алоҳида эътибор қаратди. Унда Россиянинг қарийб 80 та субъекти Ўзбекистон билан савдо-иқтисодий, илмий-техник ва гуманитар алоқаларга жалб этилгани, юзлаб қўшма лойиҳалар амалга оширилаётгани қайд этилди.
«Коммерсантъ» нашри 5 октябрь куни Фарғонада ўтаётган III Ҳудудлар кенгаши доирасидаги музокараларни ёритиб, форумнинг ишбилармонлик дастурида қишлоқ хўжалиги, қурилиш, логистика ва саноат соҳаларидаги ҳамкорлик масалалари ўрин олганини маълум қилди.
«Ведомости» нашрида 6 октябрь куни Красноярск ўлкаси губернатори Михаил Котюковнинг Фарғонага ташрифи ҳамда Кенгаш доирасида ўтказилган «Сибирь кунлари» ҳақида материал эълон қилинди. Унда Красноярск ўлкасидан транспорт, машинасозлик, ёғочни қайта ишлаш, қадоқлаш ва рақамли технологиялар йўналишида фаолият юритувчи 12 та компания вакиллари Фарғонада ишбилармонлик музокараларида иштирок этгани қайд этилган.
НИА-Красноярск ахборот агентлиги ҳам Фарғонадаги тадбирларни ёритиб, «Сибирь кунлари»да Красноярск ва Олтой ўлкалари, Новосибирск, Томск, Омск вилоятлари ҳамда Олтой Республикаси — жами 6 та Сибирь ҳудуди иштирок этаётганини хабар қилди.
Россия Федерацияси Ҳукуматининг расмий ахборот ресурсида эса Россия Ҳукумати Раисининг биринчи ўринбосари Денис Мантуровнинг Фарғонада ўтказилган Ҳудудлар кенгаши йиғилишида иштирок этгани ҳақида алоҳида ахборот эълон қилинди.
Ўзбекистон ахборот майдонида ҳам тадбир кенг ёритилди. Sputnik Ўзбекистон 5 октябрь куни Фарғонада III Ҳудудлар кенгаши ўз ишини бошлагани, «Фарғона Экспо»да панель сессиялари, музокаралар ва кўргазмалар ташкил этилгани, шунингдек, Сибирнинг 17 та олий таълим муассасасидан иборат делегация Фарғонага келгани ҳақида хабар берди.
Spot нашри маълумотига кўра, 6 октябрь куни ўтказилган Кенгаш йиғилишида Ўзбекистоннинг барча ҳудудлари, Россиянинг 17 та ҳудуди ҳамда икки мамлакатдан қарийб 400 нафар тадбиркор иштирок этди. Шунингдек, икки мамлакат ҳудудлари ўртасидаги кооперация портфели 200 дан ортиқ, умумий қиймати қарийб 6 миллиард долларлик лойиҳаларни қамраб олгани қайд этилди.
Фарғонада илк бор ўтказилган ушбу нуфузли халқаро тадбирнинг хорижий ва маҳаллий ОАВларда кенг ёритилиши вилоятнинг саноат, инвестиция, экспорт ва туризм салоҳиятини халқаро ахб