Фарғона вилояти ҳокимлиги

Учрашувда Фарғона вилоятида янги истиқболли инвестиция лойиҳаларини амалга ошириш, ҳамкорлик кўламини янада кенгайтириш масалалари хусусида фикр алмашилди.

Хусусан, қурилиш материаллари ишлаб чиқариш ва озиқ-овқат саноати йўналишларида янги инвестиция лойиҳаларини йўлга қўйиш бўйича ташаббуслар илгари сурилди.

Мулоқотда вилоятда шаклланган қулай инвестиция муҳити, хорижий инвесторлар учун яратилган имконият ва шарт-шароитлар хитойлик ишбилармонларнинг Фарғонада янги лойиҳаларни амалга оширишга бўлган қизиқишини ошираётгани қайд этилди.

Вилоят раҳбари замонавий технологияларга асосланган, юқори қўшимча қиймат яратадиган ҳамда янги иш ўринларини ташкил этишга хизмат қиладиган инвестиция лойиҳаларини ҳар томонлама қўллаб-қувватлашга тайёр эканини таъкидлади.

Шунингдек, Хитойнинг йирик компания ва ишбилармон доиралари вакилларини вилоятга кенг жалб этиш, улар билан ўзаро манфаатли ҳамкорликни янада ривожлантириш бўйича навбатдаги вазифалар белгилаб олинди.

Маълумот учун, айни пайтда Фарғона вилоятида хорижий капитал иштирокида 938 та корхона фаолият юритмоқда. Шундан 318 таси Хитой капитали иштирокида ташкил этилган.