Бешариқда турк инвестори иштирокида истиқболли лойиҳалар амалга оширилади
2026-08-22 14:30:00 / Янгиликлар
Тақдимотда ўндан зиёд илғор ташаббуслар борлиги маълум қилинди.
Жумладан, "Gidro Yashil" лойиҳаси доирасида ички гидропоник озуқа тизимини йўлга қўйиш режалаштирилган.
Шунингдек, Eastern Mediterranean University (Кипр) ва Bahçeşehir University (Туркия) билан ҳамкорликда халқаро таълим, тиббиёт, илмий-тадқиқот ва саноат-амалиёт экотизимини шакллантириш таклиф этилди. Лойиҳа доирасида таълим ва тиббиёт кластерлари, AI Innovation Park, Industrial TechnoPark ҳамда Logistics Hub ташкил этиш мақсад қилинган.
Тақдимотда аҳолига замонавий тиббий хизмат кўрсатиш имкониятларини кенгайтириш мақсадида диализ маркази ташкил этиш лойиҳаси бўйича ҳам маълумот берилди.
Бундан ташқари, йирик логистика ва транспорт лойиҳа, меваларни қайта ишлаш каби лойиҳалар ўрин олган.
Учрашувда мазкур лойиҳалар хусусида сўз юритилди.
Вилоят ҳокими мазкур ташаббусларни қўллаб-қувватлаб, лойиҳаларни амалга оширишда амалий кўмак кўрсатилишини таъкидлади.
Лойиҳаларни босқичма-босқич амалга ошириш натижасида янги иш ўринлари яратиш ва замонавий технологияларни жалб этиш мақсад қилинган.
Учрашув якунида ҳамкорлик бўйича меморандум имзоланди.