Драйвер лойиҳа учун маблағ ҳисобига Қувасой шаҳри марказидаги Бешалишсойнинг 1 километрлик қисми бетонлаштирилиб, қирғоқлари мустаҳкамланди.
2026-07-03 22:25:00 / Янгиликлар
Йўлаклар барпо этилиб, ҳудуд обдонлаштирилди.
Эндиликда бу ерда аҳоли учун замонавий дам олиш масканлари, хизмат кўрсатиш объектлари барпо этилади.
Бугун вилоят ҳокими Хайрулло Бозоров бу ерда амалга оширилган ишларни кўздан кечириб, қатор лойиҳалар билан танишди.
Хусусан, Ҳувайдо МФЙ ҳудудида замонавий савдо, хизмат кўрсатиш, ошхона ва кўнгилочар масканлар барпо этиш кўзда тутилмоқда. Шаҳар истироҳат боғи эса реконструкция қилинади. Арсиф маҳалласида эса туризм масканлари қуриш режалаштирилган.
Вилоят ҳокими лойиҳаларни шаҳарсозлик нормаларига мувофиқ пухта ишлаб чиқиш ва аҳоли учун муносиб шароитлар яратиш бўйича масъулларга тегишли топшириқлар берди.