Хитой компанияси Қўқонда туризм ва таълим соҳаларида қўшма лойиҳаларни амалга оширади
2026-06-29 20:25:00 / Янгиликлар
Учрашувда таълим ва туризм соҳаларида қўшма лойиҳаларни амалга ошириш ҳамда ўзаро манфаатли алоқаларни мустаҳкамлаш масалалари муҳокама қилинди.
Мулоқотда Ўзбекистон ва Хитой ўртасидаги муносабатлар изчил ривожланиб бораётгани, бу эса ҳудудлар ва таълим муассасалари ўртасида ҳам янги ҳамкорлик йўналишларини шакллантириш учун мустаҳкам замин яратаётгани таъкидланди.
Хусусан, Қўқон шаҳрида туризм соҳасида истиқболли лойиҳаларни амалга ошириш масалаларига алоҳида эътибор қаратилди.
Қадим ва навқирон Қўқон шаҳрининг бой тарихий-маданий мероси ҳамда туристик салоҳияти юқори экани қайд этилиб, сайёҳлар оқимини ошириш, замонавий туризм инфратузилмасини ривожлантириш мақсадида туристик кўчаларни ташкил этиш бўйича лойиҳа таклифлари кўриб чиқилди.
Учрашувда аниқ лойиҳалар асосида амалий ҳамкорликни олиб бориш юзасидан келишиб олинди.
Маълумот учун, SIETG — Шэньси провинциясининг ташқи иқтисодий алоқалар ва халқаро савдо соҳасидаги йирик давлат корхоналаридан бири ҳисобланади. Компания ташқи савдо, инвестициялар, экспорт-импорт операциялари, халқаро муҳандислик, қишлоқ хўжалиги, меҳмонхона хизмати, кўчмас мулк ҳамда анъанавий Хитой тиббиёти каби қатор йўналишларда фаолият юритади.