Хитойлик инвесторлар янги лойиҳаларга катта қизиқиш билдирмоқда
2026-06-25 22:15:00 / Янгиликлар
Вилоят ҳокими Хайрулло Бозоров Учкўприк туманидаги ўрганишлари давомида "Қўқон" эркин иқтисодий зонаси ҳудудида фаолият юритаётган “Yong Xin Ceramics” МЧЖ хорижий корхонасида бўлиб, ишлаб чиқариш жараёнлари, янги маҳсулотлар билан танишди.
“Jinghua Ceramics” компанияси таъсисчиси Ву Хон Чан билан ўтган учрашувда амалга оширилаётган инвестиция лойиҳалари, корхоналар фаолиятини кенгайтириш ва янги ишлаб чиқариш қувватларини ташкил этиш масалалари муҳокама қилинди.
Қурилиш материаллари саноатини ривожлантириш, замонавий ва рақобатбардош маҳсулотлар ишлаб чиқариш ҳажмини ошириш, соҳага янги инвестицияларни жалб этиш юзасидан фикр алмашилди.
Учрашув якунида ўзаро манфаатли ҳамкорликни янада ривожлантириш ва истиқболли лойиҳаларни амалга ошириш бўйича ишларни давом эттиришга келишилди.