Малайзиянинг машҳур заргарлик брендига эга компания билан ҳамкорлик масалалари муҳокама қилинди
2026-06-03 16:25:00 / Янгиликлар
HABIB Jewels — Малайзиянинг етакчи заргарлик брендларидан бири бўлиб, 1958 йилда Пенанг шаҳрида Datuk Haji Habib Mohamed Abdul Latif томонидан ташкил этилган. Компаниянинг асосий фаолият йўналишлари олтин тақинчоқлар, олмос ва қимматбаҳо тошлар, никоҳ ва тўй узуклари, люкс соатлар ҳамда инвестицион олтин маҳсулотларини ишлаб чиқариш ва сотишдан иборат.
Компаниянинг бош қароргоҳи Ампанг ҳудудида жойлашган бўлиб, у Малайзия бўйлаб кенг савдо тармоғига эга. Шунингдек, Сингапур, Бруней ва Индонезия каби давлатларда ҳам фаолият юритади.
"HABIB Jewels" миллий малай услубларини замонавий заргарлик дизайни билан уйғунлаштиргани, юқори сифатли олмос маҳсулотлари ва эксклюзив коллекциялари билан машҳурдир.
Учрашувда вилоятда заргарлик йўналишида лойиҳаларни амалга оширишга келишилди.