Хитой компанияси истиқболли лойиҳага инвестиция киритишга қизиқиш билдирмоқда
2026-04-23 19:25:00 / Янгиликлар
Вилоят ҳокими Хайрулло Бозоров Хитойнинг “Guangzhou Huayuan Environmental Protection Technology Co. Ltd.” компанияси директорлар кенгаши раиси Зоу Цян бошчилигидаги делегацияни қабул қилди.
Учрашувда Фарғона туманида амалга оширилиши режалаштирилаётган истиқболли лойиҳа хусусида фикр алмашилди.
Мулоқотда Ўзбекистон ва Хитой ўртасидаги муносабатлар изчил ривожланаётгани, ҳудудлараро ҳамкорлик ҳам фаоллашаётгани таъкидланди. Шу билан бирга, вилоятда фаолият юритаётган Хитой компаниялари сони ортиб, уларнинг фаолият йўналишлари ҳам кенгайиб бораётгани айтиб ўтилди.
Таклиф этилаётган инвестиция лойиҳа аниқ режа ва пухта ўйланган чора-тадбир асосида амалга оширилиши муҳимлигига эътибор қаратилди.
Шундан келиб чиқиб, ушбу ташаббус юзасидан музокараларни давом эттирилиши билдирилиб, келгусидаги вазифалар белгилаб олинди.