Жанубий Кореянинг “AHA Co., Ltd” компанияси вилоятимизда ахборот технологиялари ва таълим соҳаларида ишончли ҳамкор сифатида қатор истиқболли лойиҳаларни амалга оширишни бошлаган
2026-04-16 22:20:00 / Янгиликлар
Бугун вилоят ҳокими Хайрулло Бозоров компания раҳбари Ку Ги До билан учрашиб, мазкур лойиҳаларнинг бориши ҳамда келгусидаги режалар юзасидан фикр алмашди.
Мулоқот давомида ахборот технологиялари соҳасидаги янги ташаббуслар, таълим йўналишида халқаро грантлар асосида амалга оширишга киришилаётган лойиҳалар ва истиқболдаги режалар муҳокама қилинди.
“AHA Co., Ltd” компанияси томонидан Фарғона вилоятида бошланаётган лойиҳалар ҳудуднинг инновацион салоҳиятини ошириш, ёшлар учун замонавий билим ва кўникмаларни шакллантиришда муҳим аҳамият касб этади.
Учрашувда ўзаро ишонч ва манфаатли ҳамкорлик асосида бундай лойиҳалар кўламини янада кенгайтириш бўйича ишларни жадаллаштиришга келишилди.