Покистоннинг Исломобод шаҳрида “Made in Uzbekistan” номи остида ўтказилаётган кўргазмада Ўзбекистоннинг мева-сабзавот ва озиқ-овқат маҳсулотлари алоҳида эътибор марказида турибди
2026-02-05 19:15:00 / Янгиликлар
Кўргазмада мева-сабзавот экспорти билан шуғулланувчи 20 дан ортиқ корхона иштирок этиб, 100 дан ортиқ турдаги янги ва қайта ишланган озиқ-овқат маҳсулотларини халқаро ҳамкорларга намойиш этмоқда.
Тақдим этилаётган маҳсулотлар қаторида:
⏩ янги мева ва сабзавотлар;
⏩ қуруқ мевалар;
⏩ музлатилган ва қайта ишланган маҳсулотлар;
⏩ консерва ва ярим тайёр озиқ-овқат маҳсулотлари;
⏩ табиий шарбатлар.
Ушбу маҳсулотлар сифат, табиийлик ва халқаро стандартларга мослиги билан Покистон ва минтақа бозорида юқори қизиқиш уйғотмоқда.
Кўргазманинг асосий мақсади — Ўзбекистоннинг мева-сабзавот ва озиқ-овқат экспорт салоҳиятини намойиш этиш, янги савдо ҳамкорликларини йўлга қўйиш ҳамда экспорт географиясини кенгайтиришдир.
“Made in Uzbekistan” бренди остида ўтказилаётган бундай тадбирлар маҳаллий ишлаб чиқарувчилар учун янги экспорт шартномалари, барқарор бозорлар ва узоқ муддатли ҳамкорликлар учун мустаҳкам замин яратмоқда.