Вилоят ҳокими Хайрулло Бозоров Данғара туманидаги ўрганишлари давомида Реновация дастури доирасида амалга оширилаётган ишлар билан ҳам танишди.
2026-01-28 16:55:00 / Янгиликлар
Вилоят ҳокими Увайсий МФЙ Тошкент кўчасида мазкур дастур бўйича қурилаётган кўп қаватли уй-жойлар билан танишди. Маънан эскирган уйлар ўрнида 2 та 9 қаватли, биринчи қаватларида савдо-маиший хизмат кўрсатиш мажмуаси, қолган қаватларида турар жой бинолари қад ростламоқда.
Навбаҳор мавзеси ҳудудида жойлашган 11 та 2 қаватли уйлар ўрнига реновация тартибида босқичма-босқич 12 қаватли турар жой биноларини қуриш лойиҳаси ҳам бориб кўрилди.
Шунингдек, Увайсий МФЙ Бирлик кўчасида 9 қаватли 459 та хонадонли турар жой комплекси қуриш лойиҳаси билан ҳам танишилди.
Вилоят раҳбари масъул мутасаддилар ва қурувчилар билан мулоқот қилиб, қурилиш ишларини сифатли ва муддатида амалга ошириш, аҳоли учун муносиб шароитлар яратиш кераклиги бўйича кўрсатмалар берди.
Шунингдек, тумандаги маънан эскирган давлат хизматлари маркази биноси ўрнида замонавий кўп қаватли мажмуа қуриш лойиҳа таклифи ҳам кўздан кечирилди.