Вилоят ахборот-кутубхона марказида “Олтин куз таровати” ҳамда “Биз коррупсияга қаршимиз” мавзусидаги видеоролик ва расмлар танлови ғолибларини тақдирлаш маросими бўлиб ўтди
2025-12-24 11:20:00 / Янгиликлар
Вилоят ҳокими ўринбосари Шерзоджон Полвонов ижодкор ва ҳаваскорлар ўртасида ташкил этилган танловда 100га яқин ишлар тақдим этилганини қайд этиб, ғолибларни табриклади.
Анъанавий ўтказилаётган “Олтин куз таровати” танловида мазкур фаслнинг ўзига хос жиҳатлари видеоролик ва расмларда ифода этилган. Вилоят ҳокимлиги, Бошқарув самарадорлиги агентлиги Фарғона филиали ҳамкорлигида ўтказилган “Биз коррупсияга қаршимиз” танловида эса коррупсияга қарши курашиш борасида ўзига хос контентлар тайёрланди.
Танлов ғолиблари ташкилотчиларнинг диплом ва эсдалик совғалари билан тақдирланди.